धनकुटा/जिल्ला सदरमुकाम धनकुटाको व्यस्तबजार हुलाक टोलमा शुक्रबार १०.३० भएको मोटर साईकल दुर्घटनामा एक जना वृद्धा गम्भिर घाईते भएकी छन् । धनकुटा नगरपालिका वडा नं.७ परिचयमोड देखी मदन चोक तर्फ आईरहेको को. २२ प. ४८७५ नम्बरकाे नगर प्रहरी खेमराज बस्नेतले चलाएको मोटरसाईकलको ठक्करबाट चौबिसे गाउँपालिका वडा नं.४ कुरुलेतेनुपा घर भएका वर्ष ६१ की गुणा माया भण्डारी गम्भिर घाईते भएकी हुन् । चौबिसे गाउँपालिकाको वडा नं.५ बाधे घर भएका खेमराज भण्डारी भरखरै धनकुटा नगरपालिकाको नगर प्रहरीमा भर्ना भएर तालिम लिइरहेका छन् ।
मोटरसाईकलको ठक्करबाट घाईते भएकी भण्डारीको टाउको, दाहिने तिघ्रा, बाँया घुँडाको मुनीचोट लागेको प्रहरीले जनाएको छ । भण्डारीको जिल्ला अज्ञुपताल धनकुटामा उपचार हुन नसकेपछि थप उपचारको लागी विपि कोईराला स्वास्थ्य विज्ञान प्रतिष्ठान धरान रेफर गरिएको प्रहरीले जनाएको छ । घाईते भण्डारीको अवस्था खतरा मुक्त रहेको जिल्ला अस्पताल धनकुटाको आकश्मिक कक्षमा कार्यरत एक चिकित्शकले ब्लाष्टलाई बताए । परिचयतिरबाट ओरालो आईरहेको मोटर साईकल वृद्धा भण्डारीले बाटो काट्दा अनियन्त्रित भएर दुर्घटना भएको प्रतक्षदर्शीहरुले बताए। ।
