लक्ष्मीदास र बुद्धमानको परिवारलाई अपाङ्ग पुर्नस्थापनाकाे खाद्यान्न

धरान । धरान–५ देउरालीस्थित सुन्दर बस्तीका अपाङ्गता भएका लक्ष्मीदास लिम्बूको परिवार खाद्यान्न तथा लत्ता कपडा प्रदान गरेको छ ।

धरानको अपाङ्ग पुर्नस्थापना तथा असहाय सेवा केन्द्र–नेपालले खाद्यान्न तथा कपडा वितरण गरेको हो । केन्द्रले लक्ष्मीदास र उनको परिवारलाई निःशुल्क स्वास्थ्य परीक्षण गरिदिने भएकाे छ । त्यस्तै चाडै नै लक्ष्मीदासलार्इ ह्विलचेयर र घर निर्माणका सामग्री पनि प्रदान गर्ने केन्द्रका निर्देशक सुनिल खड्काले बताएका छन् । खोलामा मजदुरी गर्ने क्रममा माटो र ढुङ्गाको ढिस्कोले पुरेपछि घाइते बनेका लक्ष्मीदास, बिगत ७–८ वर्षदेखि हिडडुलसमेत गर्न नसक्ने अवस्थामा पुगेका छन् । उनको पत्निसमेत असक्त अवस्थामा छिन् । लक्ष्मीदासको परिवारलाई दैनिक गुजारा गर्नसमेत समस्या भएपछि केन्द्रले खाद्यान्न प्रदान गरेको हो । उनीहरूको दुई छोराछोरी छन् । बुबा अपाङ्ग र आमा असक्त बनेपछि अहिले २० वर्षीय छोराले घरको सबै खर्च धानिरहेका छन् ।

यसैबीच केन्द्रले सोही ठाउँका असक्त बुद्धमान श्रेष्ठलाई पनि खाद्यन्न तथा लत्ताकपडा सहयोग गरेको छ । तर, उनी अनुपस्थित भएका कारण ब्लाष्ट खबरमा कार्यरत स्थानीय डम्बर कार्कीलाई जिम्मा लगाएका थिए । शारीरिक रूपमा असक्त उनी खोलामा गिटी चालेर दैनिक गर्जो टार्दै आएकामा

केन्द्रले उनिहरूलार्इ केहि नगद सहित कपडा, दाल, चामल, नुन, तेल साबुनलगायतका सामग्री दिएको हो ।