धरान/देशभर बलात्कारका घटनाको श्रृंखला रोकिएको छैन ।वालिका,किशोरी ,तथा बृद्धाहरुको बलात्कार भएका घटनाहरु सार्वजनिक भईरहेका छन् ।
यस्तै घटना बाहिर आइरहेको बेला कपिलवस्तुको बिजयनगर गाउँपालिका ७ मा ८ महिनाकी गर्भवती महिला बलात्कृत भएकी छिन् ।उनलाई बलात्कार गर्ने तिन जनालाई प्रहरीले नियन्त्रणमा लिईसकेको छ ।घरमा श्रीमान नभएको मौका छोपी ३ जनाले गत भदौ १२ गते राती १० बजेतिर महिलालाई बलात्कार गरेको प्रहरीले जनाएको छ।
पीडित महिलाका श्रीमानले भदौ १३ गते किटानी जाहेरी दिएपछि स्थानीय बकन्चु केवट, प्रह्लाद केवट, बर्षती केवटलाई पक्राउ गरिएको प्रहरी नायब उपरीक्षक रवी रावलले बताए। बहिलाको स्थानीय स्वास्थ्य संस्थामा उपचार भईरहेको प्रहरीले जनाएको छ ।
