पथरी/मोरङ कानेपोखरी गाउँपालिका वडा नं. ८ का कमल र बिनोद धिमाल दाजुभाईले आफ्नो आमाको २४ औँ पुण्यतिथिमा कालिकोशी ग्रामथानमा गेट निर्माण गरिदिएका छन् । शुक्रबार २४ औँ पुण्यतिथिमा स्वगीय ५८ बर्षिय आमा भूसाइनी धिमालको नाममा ५३ हजार बराबरको निर्मित गेटको चाबी हस्तान्तरण गरेको हो । निर्मित गेटको चाँबी गाउँटोलको अध्यक्ष विनोद धिमाललाई हस्तान्तरण गरेको हो । कालिकोशी ग्रामथानमा त्यहाँहरुको धिमालहरुले पुजाआज गर्दै आएका छन् । धिमाल परिवारले गत बर्ष कालिकोशी बाढीपीडितलाई पनि त्रिपाल, चामल लगाएतका १२हजार बराबरको सामानहरु वितरण गरेका थिए ।
