ब्लाष्टखबर । राष्ट्रपति विद्या भण्डारीले निमर्ला पन्तकाे घटनामा संलग्न अपराधिलाई कानुनको दायरामा ल्याई दण्डित गर्न सम्बन्धित सबै पक्षलाई संवेदनशील हुन गम्भीर ध्यानाकर्षण गराएकी छन् ।
निमर्ला पन्तकाे बलात्कारपछि हत्याकाे जस्ताे जघन्य अपराधकाे घटनाले आफूलाई अत्यन्तै चिन्तित तुल्याएको बताएकी छन् ।
शुक्रबार काठमाडौँंमा राष्ट्रिय बालअधिकार दिवसको अवसरमा आयोजित एक कार्यक्रममा बाेल्दै राष्ट्रपति भण्डारीले निर्मलाकाे परिवार न्यायको खोजीमा छटपटाउँदै हिँडने अवस्था आउनु दुःखद भएको उल्लेख गर्दैै दोषीलाई खोजी गरी पीडित परिवारलाई न्याय दिन ढिलाई नगर्न पनि सम्वद्ध सबै पक्षलाई संवेदनशील हुन आग्रह गरिन् ।
उनले बालबालिकाको हक, हित संरक्षणमा सबै पक्षको सहयोगको आवश्यक्तामा पनि जोड दिइन् । राष्ट्रपति भण्डारीले बालमैंत्री समाज निर्माणमा सबैले सकेको सहयोग गर्ने विश्वास पनि व्यक्त गरिन् ।
राष्ट्रपति भण्डारीले बालिबालिकामाथि भइरहेका यौनजन्य हिंसा, दूव्र्यवहार, अपहरण र हत्याजस्ता जघन्य अपराधका घटना नियन्त्रण गर्न आवश्यक पर्ने कानुन निर्माणको काममा ढिलाई नगर्न पनि सरकारलाई आग्रह गरिन् । उनले बाल अधिकार हनन्का घटना हुन नदिन प्रहरी प्रशासन, अनुसन्धान गर्ने निकाय र समाजलाई मिलेर अघि बढन पनि आह्वान गरिन् ।
