देउराली / अनुप बिक्रम साहीसँगै बर्षा शिवाकोटी र धराने चेली माला लिम्बुको अभिनय रहेको चलचित्र ’पुरानो बुलेट’ निर्माण टिम प्रचार प्रसारका लागी बुधबार सुनसरीको धरानमा आएको छ ।
चलचित्र प्रर्वधनका लागी देश दौडाहामा निस्केको टोलीमा पत्रकार तथा चलचित्रका निर्देशक भिषण राई, नायक अनुप बिक्रम साही र नायिका माला लिम्बुलगायत चलचित्र टीमले धरान ७ स्थित होटल सन्ध्या इनमा पत्रकार भेटघाट कार्यक्रमको आयोजना गरी चलचित्र ’पुरानो बुलेट’ यहि चैत्र १ गतेबाट देशभरका सय भन्दा बढी हलहरुमा प्रदर्शनमा आउने जानकारी दिएका छन् ।
पूर्वका संचारकर्मी यूवाहरूले निमार्ण गरेको यो चलचित्रमा पूर्वका यूवाहरूको जीनशैली देखाउन खोजिएको चलचित्रका निर्देशक राईले बताएका छन् ।
चलचित्रमा मुख्य भुमिकामा अनुप बिक्रम साही, बर्षा शिवाकोटी र माला लिम्बु रहेका छन् भने शिरोमणी दवाडी, कृष्णभक्त महर्जन, कविता आले, शिव मुखिया, दिवज राई, करण धिताल, बादल श्रेष्ठ, लगायतका कलाकारहरुको पनि अभिनय रहेको छ ।
क्रेजी ईन्टरटेन्टमेन्टको ब्यानरमा बनाईएको २ घण्टा १ मिनेटको चलचित्र ’पुरानो बुलेट’ को हालसम्मको लागत १ करोडको रहेको टिमले जनाएको छ।
