विराटनगरमा प्राकृतिक विधिबाट उपचार गर्ने अस्पताल

alt
  • मंसिर २३, २०७६
  • १९४ पटक पढिएको
  • ब्लाष्ट खबर

रङ्गेली/ प्राकृतिक चिकित्सा पद्दतिबाट उपचार गर्ने उद्धेश्यका साथ विराटनगरमा ओम वेलनेस अस्पताल आइतबारबाट सञ्चालनमा आएको छ ।

अस्पतालको प्रदेश १ का मुख्यमन्त्री शेरधन राईले उद्घाटन गरे । प्रदेश १ को राजधानी विराटनगरमा साढे ७ करोडको लगानीमा अस्पताल शुरु भएको हो । मुख्यमन्त्री राईले छिमेकी मुलुक र प्रदेशका जनतालाई पनि सेवा दिन सक्ने गरी अस्पताल सञ्चालनमा आएको बताए । उनले समृद्ध र सुखी नेपालीको नारामा पनि अस्पतालले टेवा पु¥याउने बताए । सामाजिक विकास मन्त्री जीवन घिमिरेले प्राकृतिक चिकित्सा पद्दति हाम्रो आफ्नो चिकित्सा पद्दति भएको जिकिर गरे ।

त्यसैगरी विराटनगर महानगरपालिकाका मेयर भीम पराजुलीले प्राकृतिक चिकित्साको विश्वभरि नै माग बढिरहेको बताए । विराटनगर–२ सौगातमार्ग वरगाछीमा ओम वेलनेस हस्पिटल सञ्चालनमा आएको हो । हस्पिटल चार महिलाले सञ्चालनमा ल्याएका हुन् । जसको अध्यक्ष शिवा उपाध्याय (अञ्जु) रहेकी छन् । सञ्चालकहरूमा नमिता न्यौपाने, राधा ढकाल (अधिकारी) र बिना कार्की छिन् । अस्पतालमा प्राकृतिक चिकित्सा एवम् वैकल्पिक चिकित्सा विज्ञानका माध्यमबाट अनुभवी, विज्ञ र दक्ष चिकित्सकबाट सेवा दिइने सञ्चालक नमिता न्यौपानेले जानकारी दिइन् । तीन कठ्ठा क्षेत्रफलमा फैलिएको छ । हस्पिटल १० शय्याको रहेको छ ।

अस्पतालमा प्राकृतिक चिकित्सा एवम् वैकल्पिक चिकित्सा विज्ञानमा रहेर शिरोधारा, योगामड थेरापी, जाकुजी, स्टीम बाथ, साउना बाथ, अकुप्रेसर, अकुपञ्चर, फिजियोथेरापी, डाइट तथा न्युट्रिसन आदिको माध्यमबाट विभिन्न रोगहरूको सर्वसुलभ र प्रभावकारी उपचार गरिने सञ्चालक न्यौपानेले बताइन् । रोगीलाई निरोगी र निरोगीलाई दीर्घजीवी बनाउने अस्पतालको उद्देश्य रहेको छ । जीवनशैली, हाडजोर्नी तथा नशासम्बन्धी सफल उपचारको लागि सुविधा सम्पन्न योग तथा प्राकृतिक चिकित्सा हस्पिटलले उपलब्ध गराउने बताइएको छ । अस्पतालमा कन्सल्टेण्ट फिजियोथेरापिष्ट डा. मो. जावेद र प्राकृतिक चिकित्सक डा. प्रकृति सिंहले सेवा प्रदान गर्ने भएका छन् । हस्पिटलमा विभिन्न प्रकारका उपचार प्राकृतिक चिकित्सा पद्दतिबाट हुने अध्यक्ष उपाध्यायले जानकारी दिइन् ।

अस्पतालमा ढाड, कम्मर, गर्धन, घुँडा तथा अन्य जोर्नीहरू दुख्ने, हड्डी खिइएको, नशा च्यापिएको, साइटिका र अन्य रेडिकुलोपेथी, बाथ रोगहरूको उपचार हुनेछ । त्यस्तै पिनास, एलर्जी, दम, पुरानो खोकी, टाउको दुख्ने, माइग्रेन, मानसिक तनाव, अनिद्रा (स्लिप क्लिनिक), सर्जरीपश्चात् चाहिने फिजियोथेरापी र पुनस्र्थापना, मोटोपन, कोलेस्टेरोल, उच्च रक्तचाप तथा मधुमेह, ग्याष्टिक, कब्जियत, अपच, अल्सर र पाइल्सको उपचार पनि अस्पतालमा हुने व्यवस्थापनले जनाएको छ ।

अन्तर्राष्ट्रिय नेटर ...

विराटनगर/ अन्तर्राष्ट्रिय नेटर्वक बनाएर अनलाइन सपिङको न ...

फेसन शोबाट विश्व कीर ...

सोलुखुम्बुको कालापत्थरमा आयोजना गरिएको ‘माउण्ट एभ ...

विजयी धरान काङ्ग्रेस ...

२०१७ साल पौष गतेको घटना घट्नु ठिक एक महिना १४ दिन अघि अ ...

सात वर्षीया छोरीलाई ...

आफ्नै सात वर्षीया छोरीलाई करणी गरेको अभियोगमा प्रहरीले ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved