श्रमिक मजदुर परिवारलाई खाद्यन्य वितरण

alt
  • चैत्र १२, २०७६
  • उतम नेपाल

भद्रपुर /  अति विपन्न श्रमिक मजदुर परिवारको दैनिक जीवन गुजारामा समस्या भए पछि एकसय घर परिवारलाई खाद्यन्य वितरण गरिएको छ ।
भद्रपुर ९ चन्द्रगढीस्थित प्रज्ञा एकाडेमीले सामाजिक उत्तरदायित्व अन्र्तगत चन्द्रगढी क्षेत्रमा रहेका सुकुम्बासी बस्तीका परिवारलाई चामल तथा दाल वितरण गरेको हो । मजदुर परिवारको दैनिक जीवन गुजारामा समस्या भएपछि प्रति परिवार ५ किलो चामल र आधा केजी दाल वितरण गरिएको थियो । कोभिड १९ (कोरोना भाइरस) सङ्क्रमण बढ्ने संभावना रोक्न सरकारले चैत्र ११ गतेबाट शुरु गरेको ‘लक डाउन’ का कारण दैनिक ज्यालादारी गरी विहान बेलुका छाक टार्ने श्रमजीवि सुकुम्बासी परिवारले काममा जान नसकेपछि गाँसको समस्याले विकराल रूप लिनु अगाडि नै विद्यालयले सामाजिक दायित्व स्वरूप नगर सरकारसित समन्वय गरी चामल वितरण गरेको संस्थापक÷प्रिन्सिपल इशुभ पाण्डेले जानकारी दिए ।

भद्रपुर नगरप्रमुख जीवनकुमार श्रेष्ठको नेतृत्व कार्यक्रममा भद्रपुर १० का वडाध्यक्ष टेकबहादुर खड्का काजी, वडा सदस्य तुलसी पोखरेल, भद्रपुर ९ का कार्यवाहक वडाध्यक्ष राम दाहाल वडा सदस्य नुतन पौडेल, विद्यालयका प्रिन्सिपल इशुभ पाण्डे, नगर शिक्षा शाखा प्रमुख प्रेमबहादुर भुजेल लगायतको सहभागिता रहेको थियो ।
यस अगाडि सो विद्यालयले १५०० मास्क चन्द्रगढी बजार क्षेत्रमा कोरोना रोग सक्रमण सचेतना अन्तर्गत वितरण गरिसकेको छ ।

 

काेराेनाको उपचारमा स ...

धरान । प्रदेश नं १ को सरकारको आज बसेको मन्त्रिपरिषद्को ...

‘कोभिड–१९’ बाट विश् ...

एएफपी / कोभिड–१९ नाम दिइएको प्राणघातक कोरोना भाइर ...

तेह्रथुम छथर-६ का वड ...

धरान । तेह्रथुमको छथर गाउँपालिका ६ नम्बरका वडाध्यक्षले ...

गाउँपालिकाले थाल्यो ...

पाँचथर । सरकारले लक डाउनको अवधि बढाएसंगै कुम्मायक गाउँप ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved