उर्लाबारी । शुक्रबार उर्लाबारीमा आयोजना गरिएको रक्तदान कार्यक्रममा २८ जनाले रक्तदान गरेका छन् ।
उर्लाबारी–७ स्थित पवित्र बचत तथा ऋण सहकारी संस्था लिमिटेड, संयुक्त इसाई समाज, हेब्रोन मण्डली र उर्लाबारी युवा समाजले संयुक्तरूपमा आयोजना गरेको रक्तदान कार्यक्रममा २८ जनाले रक्तदान गरेका हुन् । सोही अवसरमा ५९ औ“ पटक रक्तदान गर्ने उर्लाबारी–७ निवासी राजेन्द्र पाठकलाई सम्मान–पत्र प्रदान गरी सम्मान गरिएको थियो । पाठकले दुई दशकदेखि रक्तदान गर्दै आएका छन् ।
मानवीय सेवा पु¥याउने उद्देश्यले नेपाल रेडक्रस सोसाइटी रक्त सञ्चार सेवा केन्द्र उर्लाबारीको प्राविधिक सहयोगमा भएको उक्त कार्यक्रममा उर्लाबारी नगरपालिकाकी उप–प्रमुख मीना खतिवडा पौडेल, वडाध्यक्ष उर्मिला थापा, नेपाल रेडक्रस सोसाइटी उर्लाबारीका सभापति भानुभक्त शर्मा, निवर्तमान सभापति मदनबाबु प्रसार्इंसहितका अतिथि वक्ताले संयुक्तरूपमा रक्तदान कार्यक्रम गरी बिरामीहरूको सेवामा पु¥याएको योगदानको प्रशंसा गरेका छन् । कार्यक्रम पवित्र बचतका अध्यक्ष रविन खड्काको अध्यक्षतामा भएको थियो ।
