मोरङको कटहरी गाउँपालिका–२ मा सवारी दुर्घटनामा परी एक जना साइकल यात्रीको मृत्यु भएको छ ।
कटहरी २ गोपाल फनपार्क अगाडि ट्रकको ठक्करबाट साइकल यात्रीको आइतबार दिउँसो मृत्यु भएको हो ।
पश्चिमबाट पूर्वतर्फ जाँदै गरेको प्रदेश १–०२–००१ ख ८४३९ नम्बरको ट्रकले सोही दिशातर्फ जाँदै गरेको साइकल यात्री इलाम तिल्केनीका २१ वर्षीय सुशील पौडेललाई ठक्कर दिँदा घाइँते भएका पौडेलको उपचारको क्रममा कोशी अस्पताल विराटनगरमा मृत्यु भएको मोरङ प्रहरीले जनाएको छ ।
ठक्कर दिने ट्रक र चालक सप्तरी खडक नगरपालिका–११ का ४० वर्षीय सुरजलाल चौधरीलाई प्रहरीले नियन्त्रणमा लिइको छ ।
घटना सम्बन्धमा थप अनुसन्धान गरिरहेको जिल्ला प्रहरी कार्यालय मोरङले जनाएको छ ।
