धरान । मोरङ व्यापार सङ्घमा पदाधिकारीले शनिबार मकवानपुर उद्योग वाणिज्य सङ्घका पदाधिकारीसँग भेटघाट गरेका छन् ।
नेपाल उद्योग वाणिज्य महासङ्घका केन्द्रीय सदस्यसमेत रहेका मकवानपुर उद्योग वाणिज्य सङ्घका निवर्तमान अध्यक्ष कृष्ण कटवाल, कोषाध्यक्ष सन्तोष अर्याल, सचिव श्रीकृष्ण कर्माचार्य र सदस्य कृष्णराज कोइरालासँग सङ्घका पदाधिकारीहरूले भेटघाट गरी वर्तमान व्यवसायका विषयमा छलफल गरेका छन् ।
सङ्घका अध्यक्ष एव्म नेपाल उद्योग वाणिज्य महासङ्घका केन्द्रीय सदस्य नवीन रिजालले स्वागत गरेका थिए । भेटघाट कार्यक्रममा सङ्घका निवर्तमान अध्यक्ष प्रकाश मुन्दडालगायतको उपस्थिति रहेको थियो । व्यवसायमा देखापरेका समस्या र व्यवसायलाई साझेदारी गर्ने विषयमा छलफल भएको थियो ।
