हङकङमा रहेका नेवारहरुकाे संस्था नेवार समाज हङकङकाे स्मारिका "नेवा:" विमाेचन भएकाे छ ।
नेपाल सम्वत् ११४५ तथा म्ह पूजाकाे अवसरमा शुभकामना आदान प्रदान गर्दै स्मारिका विमाेचन गरिएकाे हाे । पत्रकार डम्बरकृष्ण श्रेष्ठले सम्पादन गरेकाे स्मारिका नेवार समाज हङकङका अध्यक्ष रचना प्रधान, सल्लाहाकार चन्द्र कुमार (सी के ) शाक्य, नेपाली महा वाणिज्यदुतावास हङकङका सहवाणिज्यदुत भोज कुमार भट्टराई, नेपाल एयरलायन्सका एयरपोर्ट म्यानेजर विजय अधिकारी, नेवार समाज हङकङका संस्थापक अध्यक्ष तथा संरक्षक राजेन्द्र कुमार श्रेष्ठ, संरक्षक कृष्ण राज भण्डारी लगायतले संयुक्त रुपमा विमाेचन गरेका हुन् ।
स्मारिकामा नेवार समुदायकाे संस्कार, संस्कृति तथा हङकङमा रहेका नेवारहरुकाे अवस्था, विभिन्न क्षेत्रमा गरेका प्रगति लगायतका विषय समेटिएकाे छ ।
कार्यक्रममा समाजका सल्लाकार माणिकलाल श्रेष्ठ, संरक्षक सुनिल दत्त महर्जन, संरक्षक करूणा प्रधान, एनआरएनए हङकङका प्रतिनिधी रिना कनौजिया लगायतका अतिथिहरुकाे पनि उपस्थिति रहेकाे थियाे ।
म्ह पूजा गरेर नेपाल सम्वत् ११४५काे शुभकामना आदान प्रदान गर्दै कार्यक्रम सम्पन्न भएकाे थियाे ।
तस्बिरहरु : जगत अम्बु गुरुङ/हङकङ
