धरान । मोरङको विराटनगरस्थित विराटनगर इन्टरनेसनल कलेजले सुनसरीको इटहरीमा कलेजमा विद्यार्थीहरूलाई दीक्षित गरेको छ ।
कलेजमा स्नातक तह पूरा गरेका ६६ जना विद्यार्थीहरू दीक्षित भएका हुन् । कार्यक्रममा इनोभेट नेपाल ग्रुपका संस्थापक तथा अध्यक्ष सुलभ बुढाथोकीले दीक्षित विद्यार्थीहरूलाई बधाई तथा शुभकामना व्यक्त गरे । उनले आफूले प्राप्त गरेको ज्ञानलाई राम्ररी प्रयोग गर्न विद्यार्थीहरूलाई आग्रह गरे । उनले भने, ‘आफ्नो शिक्षामा गर्व गर्नुहोस् र यसलाई मानिसहरूको जीवनमा सुधार गर्न प्रयोग गर्नुहोस् ।’
कलेजको शैक्षिक साझेदारको रूपमा रहेको उल्भरहेम्टन विश्वविद्यालयकी एन्जेला स्पेन्सले गुणस्तरीय शिक्षा प्रदान गर्ने कलेजको रूपमा रहेकाले यसलाई निरन्तरता दिन आग्रह गरिन् । उनले विद्यार्थीहरूलाई बधाई ज्ञापन गरिन् । वार्षिक कार्यक्रमअनुसार दीक्षान्त समारोह आयोजना गरेको कलेजले जनाएको छ ।
