धरान । अवैधरूपमा ल्याउँदै गरेको अवस्थामा सुनसरी प्रहरीले चेकजाँचको क्रममा शुक्रबार ९२ बोतल रक्सी बरामद गरेको छ ।
शङ्काका आधारमा चेकजाँच गर्दा भारतीय कारबाट ९२ बोतल प्रहरीले एम डोवेल्स लेखिएको रक्सी बरामद गरिएको जिल्ला प्रहरी कार्यालय सुनसरीले जनाएको छ । प्रहरीका अनुसार भारत बिहार राज्य सहर्षा जिल्लाको नोनिया–१४ का ३४ वर्षीय बब्लु कुमार र सोही ठाउँ ४ नम्बर वडाका ३० वर्षीय बादलसकुमार साहलाई पक्राउ गरिएको हो ।
कोशी गाउँपालिका–१ पूर्व–पश्चिम राजमार्गमा इलाका प्रहरी कार्यालय लौकहीको टोलीले पक्राउ गरेको हो । प्रहरीका अनुसार बीआर.१९ यु ६२६१ नम्बर कारबाट रक्सी बरामद गरेको हो । चालक, गाडी र मदिरासहित आन्तरिक राजस्व कार्यालय इटहरीमा अनुसन्धानमा पठाइएको प्रहरीले जनाएको छ ।
यस्तै सुनसरीको देवानगञ्ज गाउँपालिका–१ बाट एक हजार पाँच सय पत्ता प्रतिबन्धित औषधिसहित बिहीबार सोही ठाउँका २१ वर्षीय अजयकुमार मण्डललाई पक्राउ गरेको हो ।
