धरान । पूर्वक्षितिज प्रकाशन प्रा.लि.द्वारा प्रकाशित ब्लाष्ट टाइम्स दैनिकको सम्पादकमा देवेन्द्र कार्की नियुक्त भएका छन् । सम्पादक कार्कीलाई प्रा.लि.को सञ्चालक समितिले सोमबार स्वागत गरेको छ ।
प्रा.लि.का प्रमुख सञ्चालन अधिकृत दीपेन्द्रकुमार कार्कीले ब्लाष्टको साख र गरिमालाई थप उचाइमा पु¥याउन सम्पादक कार्कीले भूमिका खेल्ने बताए । लामो समयदेखि मूलधारको पत्रकारितामा रहेका कार्की विभिन्न मिडियामा आबद्ध रहिसकेका छन् । यसअघि पनि उनी ब्लाष्टमा कार्यरत रहेका थिए ।
सम्पादकमा नियुक्त भएपश्चात् सम्पादक कार्कीले आफूले संस्थालाई थप उचाइमा पु¥याउनका लागि भूमिका खेल्ने बताए । उनले पत्रिकाको भविष्यप्रति चिन्ता व्यक्त भइरहेका समयमा आफूले यसलाई नयाँ उचाइमा पु¥याउनका लागि डिजिटलमैत्री भई काम गर्ने बताए । सम्पादक कार्की छापासँगै डिजिटल मिडियासँग पनि परिचित छन् । यस अघि ब्लाष्टको सहसम्पादकको भूमिकामा काम गरिसकेका हुन् ।
