धरान । धरानमा जारी धरान मेघा यु १८ रेवाहाङ स्मृति बास्केटबल प्रतियोगितामा चार टिम अन्तिम चारमा प्रवेश गरेका छन् ।
आयाेजक धरान मेघा हिमालयन कलेजका अनुसार धरानका धरान मेघा ए, सियोन स्कुल, होलिल्यान्ड स्कुल र झापाको टावर टेम्पल अन्तिम चारमा स्थान बनाएका हुन् । बुधबारको क्वार्टरफाइनलमा धरान मेघाले धरान आदर्श कलेजलाई ४९-४३ अङ्कले हराएको छ ।
यस्तै सियोनले विजयपुर स्कुललाई ५१-१५, होलिल्यान्ड स्कुलले डिपो स्कुल एलाई ५१-३० र टावर टेम्पलले कार्मेल हाइ स्कुललाई ९६-२७ को फराकिलो अङ्कले हराउँदै अन्तिम चारमा स्थान बनाएका हुन् । भाेलि (बिहीबार) को पहिलो सेमिफाइनल खेल धरान मेघा ए र सियोन स्कुलबीच हुँदै छ भने दोस्रो खेल टावर टेम्पल स्कुल र होलिल्यान्ड स्कुलबीच प्रतिस्पर्धा हुने आयोजकले जनाएको छ ।
