इनार सफा गर्ने क्रममा तीनको मृत्यु

काठमाडौँ / कपनमा इनार सफा गर्ने क्रममा तीन जनाको मृत्यु भएको छ । मृत्यु हुनेमा कपन पैयुँटारका ईश्वर खड्का, उनका भाइ किशोर खड्का र विशाल बस्नेत रहेका छन् । इनार सफा गर्न पसेका ईश्वर नर्फ्किएपछि उनलाई बचाउन किशोर र विशाल समेत इनार भित्र छिरेका थिए । तीनै जना नफर्किएपछि स्थानीयले प्रहरीलाई खबर गरेका थिए । प्रहरीको विपद् व्यवस्थापनको टीम र महानगरीय प्रहरी प्रभाग कपनबाट खटिएको टोलीले इनारभित्र फसेका तीनै जनालाई निकालेको थियो ।