धरान/धरानमा आजबाट स्काउटको फ्रेण्डसीप क्याम्प डिपो उच्च माविको खेल मैदानमा सुरु भएको छ । डिपो स्काउटको आयोजनामा भएको क्याम्प तीनदिनसम्म चल्ने छ । जहाँ मोरङका तीन स्कुल र धरानका तीन स्कुलहरु सहभागी बनेका छन् । उक्त स्कुलहरुबाट ७० जना विद्यार्थीहरु सहभागी बनेका छन् । क्याम्पको उद्घाटन डिपो उच्चमावि संचालक समितिका अध्यक्ष मेजर श्रवणकुमार लिम्बूले स्काउटको झण्डा फहराएका थिए । तीन दिने कार्यक्रम अन्तर्गत साहसिक खेल, प्रतियोगितात्मक कार्यक्रम र मनोरञ्जनात्मक कार्यक्रमहरु हुने छन् । साहसिक अन्तर्गत क्रलिङ, बिम क्लाइम्बिङ, टायर क्रसिङ र टावर क्लाइम्बिङ रहेका छन् । त्यस्तै प्रतियोगितामा चित्रकला, बिना भाडा खाना पकाउने, ग्याजेट, क्याम्प सजावट रहेका छन् । साथै, मनोरञ्जनात्मकमा रमाइला खेलहरु खेलाइने जिल्ला परिषद् सदस्य हेमन्त भण्डारीले बताए । कार्यक्रममा धरानका तीनवटा विष्णु उच्चमावि, सनराइज इग्लिस बोर्डिङ स्कुल, र डिपो उच्चमावि रहेका छन् । साथै, विराटनगरबाट मोर्डन इरा, श्री निवामि, नरग्राम स्कुलका विद्यार्थीहरु सहभागी रहेका छन् ।