नायक अनुप विक्रम शाही र नायिका मेलिना जोशीको ब्रेकअप भएको खबर केही महिना अगाडी नै बाहिर आइसकेको छ । यसैबीच नायक अनुप विक्रम शाहीले भने अर्की नायिका सन्ध्या केसीसँग बिहे गर्ने भएका छन् ।
सन्ध्या र अनुप अफेयरमा रहेको हल्ला बाहिर नआउँदै कसरी गुपचुपमा विवाह गर्दैछन् भन्ने सोचिरहनु भएका छ भने तपाईहरुलाई बताइदिउँ कि अनुपले रिल लाइफमा सन्ध्यासँग बिहे गर्न लागेका हुन ।
हाल ‘कमलेको बिहे’ नामक चलचित्रको छायाँकनमा व्यस्त छन् अनुप र सन्ध्या । डडेल्धुरामा छायाँकन भइरहेको यो चलचित्रमा अनुप र सन्ध्याको बिहे भने निर्देशक प्रशन्न पौडेल गराउन लागेका हुन । सयौं म्यूजिक भिडियो डायरेक्शन गरिसकेका प्रशन्नले यो चलचित्र निर्देशन गर्दैछन् । सरिता लामा प्रस्तुतकर्ता रहेको चलचित्र ‘कमलेको बिहे’ का कार्यकारी निर्माता दिपक विष्ट (गौली) हुन ।
