काठमाडौ/ सामान्य प्रशासन मन्त्रालय सम्हालेर चर्चा कमाएका एमाले नेता लालबाबु पण्डित बिहीबारको केपी शर्मा ओली नेतृत्वको मन्त्रीमण्डलमा मन्त्री नियुक्त भएसँगै फेरी उहाँको चर्चा चुलिएको छ ।
साधा जीवन उच्च विचारका पण्डितले यसअघि गरेका राम्रा कामको चर्चासँगै उनको सामान्य जीवनशैलीलाई लिएर यतिखेर सामाजिक सञ्जालमा एक तस्विर फेरि भाईरल बनेको हो ।
ओली नेतृत्वको सरकारमा एमाले नेता लालबाबु पण्डित जनसंख्या तथा वातावरण नियुक्त भएका छन् । मन्त्री बनेसँगै पण्डितले आफूले पाएको जिम्मेवारी ईमानदारीपूर्वक पूरा गर्ने बताए ।
देश र जनताको पक्षमा काम गर्न आफूलाई कसैले नरोक्ने बताउँदै उनले फेरि पनि नमुना काम गरेर देखाउने उद्घोष गरेका छन् ।
