पानवारी । यामाहाले मार्च ७ तारिकका दिन स्कुटर डे मनाउने भएको छ । यसवर्षदेखि सुरु हरने स्कुटर डे प्रत्येक वर्ष मार्च ७ तारिकका मनाइने यामाहा नेपालका प्रबन्ध निर्देशक विष्णुकुमार अग्रवालले बताएका छन् ।
धरानमा विभिन्न कार्यक्रम गरी स्कुटर डे मनाइन लागेको यामाहाको आधिकारीक विक्रेता गजुरमुखी ट्रेड एण्ड सर्भिस लिंक धरानका सञ्चालक गोपाल आचार्यले बताएका छन् । आचार्यका अनुसार आज बुधबार धरानका विभिन्न चोकमा बसेर स्कुटल चालकलाई स्कुटर डे को अवसरमा बधाई तथा शुभकामना दिइनेछ । बधाई तथा शुभकामना दिने कार्यक्रममा मिसेस स्टेट वानका प्रतियोगिहरु समेत सहभागी हुने आचार्यले बताएका छन् । त्यस्तै गरी उनले यामाहा शोरुममा सबै कम्पनीका स्कुटर सित्तैमा धुने व्यवस्था समेत गरिएको बताए ।
