इटहरी । पर्यटन क्षेत्रमा कमल चलाएर पर्यटन विकासमा भुमिका खेलेको भन्दै इटहरीमा रहेको विकास निमार्णकर्ताहरुको सञ्जालले ब्लाष्टका सुनसरी सम्वाददाता धनबहादुर पुरी सहित ६ जनालाई सम्मान गरेको छ ।
आईतवार पर्यटकिय क्षेत्र तालतलैयामा मिनि महोत्सव उद्घाटन समारोहमा ब्लाष्टकर्मी पुरी सहित एभिन्युज टिभिका ब्यरो प्रमुख सचिन पोखरेल,पत्रकार महासंघ सुनसरीका उपाध्यक्ष सन्तोष काफ्ले, पत्रकार शेखर ढकाल,विराट अनुपम र इटहरीका पर्यटन ब्यावसायी सुनिल भुषाल सम्मानीत भएका हुन ।
महोत्सवको उद्घाटन गदै कार्यक्रमका प्रमुख अतिथि प्राज्ञा राम धामीले पर्यटनको विकासले देश समृद्ध हुने वताएका छन । उनले पर्यटन क्षेत्रको प्रबद्धन र प्रचारमा सरकार लाग्नु पर्नेमा जोड थियो । कार्यक्रममा वोल्दै होटल ब्यावसायी संघ इटहरीका अध्यक्ष जिवन पराजुलीले पर्यटन क्षेत्रको विकासमा सबैले आ आफ्नो ठाउँबाट लाग्नु पर्ने वताएका थिए ।
कार्यक्रमका सभापति विशुधन राईले पर्यटनको विकासकै लागी महोत्सव आयोजना गरेको वताए । उनले भने चर्चिय पर्यटकिय क्षेत्र तालतलैयाको विकासमा हातेमालो गर्ने महोत्सव लगाएका हौ उनले थपे । तालतलैयामा विभिन्न राष्ट्रिय कलाकारहरुको सहभागी रहने आयोजकले जनाएको छ ।
