मोरङ । मोरङको बेलबारी नगरपालिका ५ कसेनीबाट आइतबार प्रहरीले डेढ किलो लागुऔषध गाँजासहित सोही ठाउँका ५५ वर्षीय प्रकाश चौधरीलाई पक्राउ गरेको छ।

चौधरीले आफ्नै घरमा गाँजा बेच्ने गरेको भन्ने विशेष सुराकीका आधारमा इलाका प्रहरी कार्यालय बेलबारीको टोलीले आइतबार साँझ उनलाई घरबाट पक्राउ गरेको हो।

पक्राउ परेका चौधरीलाई थप अनुसन्धानका लागि इलाका प्रहरी कार्यालय बेलबारीमा राखिएको छ।