काठमाडौं/विवेकशील साझा पार्टीले शुक्रबार पार्टी कार्यालयमा टाँगिएको तुल प्रहरीले हटाएको विरोधमा शनिबार प्रदर्शन गरेको छ। ललितपुरस्थित पार्टी कार्यालयमा विवेकशील साझाका नेतारकार्यकर्ताले ‘मोदीजी, स्वागत छ, तर नाकाबन्दी बिर्सेका छैनौं’, ‘अधिनायकवादी ओली सरकार होसियार’ लगायतका प्लेकार्ड बोकेर प्रदर्शन गरे।
प्रर्दशनपछि नाकाबन्दी लेखिएको बेलुन आकाशमा उडाइएको छ।
दुई दिने राजकीय भ्रमण आएका भारतीय प्रधानमन्त्री नरेन्द्र मोदीलाई साढे २ वर्षअघिको नाकाबन्दी सम्झाउन विवेकशील साझाले प्रदर्शन गरेको हो। यसअघि शुक्रबार सो पार्टीले मोदीजी स्वागत छ, तर नाकाबन्दी बिर्सेका छैनौं लेखेर कार्यालयमा टाँगेको तुल प्रहरीले झिकेर लगेको थियो।
पूर्वप्रधानमन्त्री बाबुराम भट्टराई, कांग्रेस केन्द्रीय सदस्य गगन थापा लगायत नेताले सरकारको सो कदम निन्दनीय भएको बताएका छन्।
सेताेपाटी
