खुकुरी प्रहार गरी श्रीमानद्धारा श्रीमतीको हत्या

धनकुटा/साँगुरीगढी गाउँपालिका वडा नं.५ वेगनामा माइती जाने विषयमा श्रीमान श्रीमती बिच विवाद हुँदा वर्ष ४६ का श्रीमान कमल लिम्बुले श्रीमती गोपीमाया लिम्बुलार्इ खुकुरी प्रकार गरी बिहिबार विहान हत्या गरेका छन् ।

घट्ना बिहिबार बिहान ९ वजे कमललिम्बुको आफ्नै घरको आँगनमा घटेको प्रहरीले जनाएको छ । श्रीमती गोपीमायाले श्रीमानसँग एक दुई दिनको लागी माईती घर जाने भनेपछि कमल लिम्बुले इङ्गकार गर्दै खुकुरी प्रहार गरेका थिए । गोपीमायाको गर्दनमा कमलले खुकुरी प्रहार गरेको प्रहरीले बताएको छ । गोपीमायाको घटना स्थल मै मृत्यु भएको थियो ।  श्रीमानश्रीमतीबिच एक आपसमा झगडा भएर खुकुरी हानाहान गर्न थालेपछि झगडा नगर्न अनुरोध गर्दै छुट्याउनआएका छिमेकी खड्ग प्रसाद लिम्बु पनि कमल लिम्बुकाे खुकुरी प्रहारबाट घाईते भएका छन् । खड्ग प्रसादको देब्रे हातमा सामान्यचोट लागेको छ । घट्ना पछि कमल लिम्बुलार्इ स्थानियले पक्राउगरि राखेको प्रहरी निरिक्षक अमोद खेरवारले ब्लाष्टलाई बताएका छन् ।

प्रहरी निरिक्षक खेरवारका अनुसार अभियुक्त कमल लिम्बुलाई प्रहरीले नियन्त्रणमा लिइसकेको जनाएका छन् । मृतक गोपीमायाको लासलाई पोष्टमार्टमको लागी जिल्ला अस्पताल धनकुटामा बिहिबार साँझल्याउने तयारी भै रहेको घट्ना स्थल साँगुरीगढी–५ डाँडाबजार बेगना पुगेका प्रहरी निरिक्षक अमोद खेरवारले बताएका छन् । धनकुटा नगरपालिका वडा नं.४ वस्ने अन्दाजी वर्ष ३० का राजेश श्रेष्ठको पनि उनकै भाई इश्वर श्रेष्ठ र बहिनीज्वाँई अनिष श्रेष्ठ मिलेर हत्या गरेको घट्ना एक हप्ता नबित्तै डाँडावजारमा यो व्याक्ति हत्याको यो अर्को श्रृङ्गखला घटेको हो ।