ताप्लेजुङ । राष्ट्रिय जागृति क्लब ईटहरी ताप्लेजुङमा जारी तेश्रो पाथीभरा गोल्डकपको सेमी फाईनलमा प्रवेश गरेको छ । आज भएको खेलमा युनाईटेड खर्साङ फुटबल क्लब दार्जेलिङ भारतलाई ट्राईबेकरमा ३–० गोल अन्तरले पराजित गर्दै ईटहरी सेमिफाईनलमा प्रवेश गरेको हो । निर्धारित समयमा दुबै टिमबाट गोल हुन नसके पछि थप गरिएको अतिरिक्त समयबाट समेत ट्राईबेकरमा धकेलिएको खेलमा राष्ट्रिय जागृति क्लब ईटहरीका जर्सी नम्बर २ का रमेश राजबंसी, जर्सी नम्बर ११ का दिपेन तामाङ, जर्सी नम्बर १३ उमेश कार्कीले गोल गरेका थिए । यसैबीच भोलीको खेलमा एब्रोस मोरङ र चर्चब्वाईज काठमाण्डौबीच प्रतिस्पर्धा हुने आयोजकले बताएको छ । गत शुक्रबारदेखि जारी प्रतियोगिता आगामी १६ गते सकिने छ ।
