मधुमल्ला । मोरङ मिक्लाजुङ गाउँपालिका वडा नं. ६ मा संचालित टोला स्तरीय फुटबल प्रतियोगिताको उपाधीमाथी धप्पर टोलले कब्जा जमाएको छ ।
शान्तिटोल युथ ११ को आयोजना तथा धप्पर सामुदायिक विकाश युवा क्लबको सह आयोजाना र मिक्लाजुङ गाउँपालिका वडा नं. ६ को आर्थीक सहयोगमा सांचालीत खेलमा बक्राहा टोललाई २–० को अन्तरले हराउँदै धप्परटोले उपाधी माथी कब्जा जमाएको हो । शुक्रबार सम्पन्न खेलको पहिलो हाफमा धप्परटोलका लागि नरेन्द्र बुढाथोकीेले पहिलो गोल गरे ।
त्यस पछि निक्कै आक्रामक बनेको खेलमा बक्राहाले केही राम्रा अवसरहरु पाए पनी बलले जाली चुम्न सकेन । मध्यान्तर पछिको खेलको अन्तिम मिनेटमा धप्परका राजेन्द्र मगरले गोल गर्दै टिमलाई २–० को अन्तरले बिजयी बनाए ।
खेलमा म्यान अफ दी म्याच बक्राहाका मेघराज तामाङ घोषीत भए । खेलमा धप्परका तर्फ बाट हाईस्कोरर, बेष्ट फरवार्ड, बेष्ट डिफेन्स क्रमस शुरेन्द्र राजबंसी, नरेन्द्र बुढाथोकी, बिशाल मगर घोषित भए । त्यस्तै बक्राहाको तर्फ बाट बेस्ट मिड फिल्डर र बेष्ट किपर क्रमस देमान तामाङ संगम लावती घोषित भए ।
खेलमा प्रथम र द्धितिय हुने ले क्रमस १० हजार, ५ हजार, मेडल र प्रमाण प्रत्र दिईएको खेल आयोजक कमिटिका सचिब कमल मिश्रले बताए । कार्यक्रमा मिक्लाजुङ गाउँपालिका उपप्रमुख तथा मिक्लाजुङ गाउँपालिका खेलकुद बिकास समिति संयोजक सरला राईको प्रमुख आतिथ्यमा सम्पन्न भएको थियो ।
