मोरङको मिक्लाजुङ गाउँपालिकमा बिहीबारबाट सुरु प्रथम अध्यक्ष कप रनिङ शिल्ड वडा स्तरीय फुटबल प्रतियोगिताको सोमबारको खेलमा वडा नं. १ लाई टाइब्रेकरमा ४–३ गोल अन्तरले हराउँदै वडा नं. २ विजयी हुँदै सेमिफाइनलमा प्रवेश गरेकोे छ ।
सोमबारको सम्पन्न वडा नं. १ र २ बीचको खेलमा मध्यान्तर अघिको खेलमा वडा नं. २ ले वडा नं. १ लाई एकहोरो दवाब सिर्जना गरे पनि बलले जाली चुम्न सकेन ।
मध्यान्तरपछिको खेलमा दुबै तर्फले आक्रामक खेल खेले पनि दुबैले गोल गर्न सकेनन् । निर्धारित समय गोलरहित बराबरीमा सकिएपछि खेल सिधै टाइब्रेकरमा परिणत भएको थियो । टाइब्रेकरमा वडा नं. २ ले ४–३ को अन्तरले नतिजा निकाल्दै आफ्नो सेमिफाइनलको यात्रा सुनिश्चित ग¥यो ।
सोमबारको खेलमा म्यान अफ द म्याच वडा नं. १ का गोल किपर ईश्वर राई घोषित भए । मंगलबारको पहिलो सेमिफाइनल खेल वडा नं. ३ र वडा नं. ४ बीच मध्याह्न ३ बजेबाट मनोहर जनता माविको खेल मैदानमा सुुरु हुने खेलकुद व्यवस्थापन समितिका सचिव इन्द्र श्रेष्ठले बताए ।
