एजेन्सी/घरमा राखिएका यस्ता तस्बिरले बिगारिदिन्छन् तपाईंको भाग्य, रोकिदिन्छ समृद्धिको बाटो घरको सजावटको लागि मानिसहरु धेरैजसो घरमा विभिन्न प्रकारका तस्बिर राख्ने गर्दछन् । तर धेरै मानिसलाई घरमा कस्तो प्रकारको तस्बिर राख्नुपर्छ भन्ने कुरा थाहा हुँदैन । कुनै तस्बिरले घरमा सफलता आउने गदएछ भने केही तस्बिरले घर विनासतर्फ बढ्छ । केही तस्बिरले स्वास्थ्यमा पनि समस्या बढाउने गर्दछ । घरमा कहिले पनि पानीको तस्बिर राख्नु हुँदैन । समुन्द्र वा पानीको तस्बिर घरमा टाँस्दा घरमा आर्थिक संकट हुन्छ । जसरी पानी बग्छ, त्यसरी नै पैसा पनि बग्छ भन्ने गरिन्छ । घरमा पानीको तस्बिरका साथै जहाजको तस्बिर पनि नराख्नुहोस् । वास्तु अनुसार यसलाई अशुभ मानिन्छ । यदि यस्तो केही तस्बिरघरमा छ भने तुरुन्त हटाउनुहोस् । हिंस्रक जनावरको फोटो घरमा राख्दा पनि मानिसहरुमा नकारात्मक प्रभाव पर्ने गर्दछ । यसले घरमा लडाईं पनि बढ्ने गर्दछ । थुप्रै पटक मानिसहरु घरमा कुरुक्षेत्रमा भएको महाभारतको तस्बिर पनि राख्दछन् । यो राख्दा परिवारमा रिस र झगडाको स्थिती पैदा हुन्छ । अस्ताउँदो सूर्य धेरै मानिसहरुलाई मनपर्छ तर यस्तो तस्बिर घरमा राख्नु हुँदैन । अस्ताउँदो सूर्यले तपाईंलाई असफलतातर्फ लैजान्छ ।