पथरी /मोरङको पथरीशनिश्चरे–१० स्थिति जिरिखिम्तिमा मन्दिर निर्माणको हयोगार्थ सप्ताहिक महायज्ञ हुने भएको छ । जिरिखिम्ति स्थित सिंहदेवी दुर्गा मन्दिर व्यवस्थापन समितिको आयोजनामा चैत्र १५ देखि २३ गतेसम्म सप्ताह व्यापी श्रीमद् भागवत ज्ञान महायज्ञ हुने भएको हो ।
सोमबार पत्रकार सम्मेलनको आयोजना गरी सो जानकारी गराएका हुन् । महायज्ञबाट उठेको रकमले मन्दिरको घेराबारा र आश्रम भवन निर्माण गरिने आयोजक समितिका संयोजक पुण्यप्रसाद सुवेदीले बताए ।
मन्दिर करिव चार कट्ठाको क्षेत्रमा रहेको छ । महायज्ञमा पण्डित नवराज पोखरेल, युवराज ढुङ्गानाले कथा वाचनहुने बताइएको छ । महायज्ञ उद्घाटन अघि चैत्र १५ गते विहान कलशयात्रा, १६ गते मण्डप पूजा प्रत्येक दिन कथा वाचन, भजन किर्तन लगायत कार्यक्रम हुने स्थानीय लक्ष्मण गुरागाईले बताए ।
पत्रकार सम्मेलनमा मदन पोख्रेल लगायतको उपस्थिाति रहेको थियो । महायज्ञमा २० लाख रकम संकलन गरेर वचेको रकमले घेराबारा लगायतको काममा खर्च गरिने बताइएको छ ।
