धरान(ब्लाष्ट) बालगोपाल मन्दिरको नाममा गोपाल मन्दिरको जग्गा हडप्न खोजेको भन्दै जनसरोकार मञ्चले विरोध जनाएको छ । मङ्गलबार बिहान ८ बजेदेखि १० बजेसम्म मन्दिर परिसरमा पुगेर मञ्चले विरोध जनाएको हो ।

१९९२ सालदेखि बनेको गोपाल मन्दिरको ५ कठ्ठा १८ धुर जग्गा ॐ शिवशक्ति कल्याणी केन्द्र शाखाले बालगोपाल मन्दिर निर्माण गर्दै हडप्न लागेकाले विरोध गरिएको संयोजक कृष्णनारायण पलिखेले बताए । केन्द्रले निर्माण गरेको मन्दिरको प्रतिस्थापन बुधबार गर्ने कार्यक्रम छ ।