सुनसरी/सुनसरीको इटहरी–४ स्थित कोशी राजमार्गमा मंगलबार टाटा सुमोको ठक्करबाट मोटरसाइकलमा सवार तीन जना घाइते भएका छन् । इटहरीबाट धरानतर्फ जादै गरेको को १ च ८०६७ नम्बरको सुमोले विहान ९ बजे तिर को २३ प ७२३ नम्बरको मोटरसाइकललाई ठक्कर दिएको थियो । दुर्घटनामा मोटरसाइकलमा सवार इटहरी(४ बस्ने ४२ बर्षिय तेज बहादुर निरौला, पछाडी सवार सोही ठाउँकी ३१ बर्षिया दिल्लिमाया बुढाथोकी र उनकै छोरी डेढ बर्षिया छोरी सोफिया निरौला घाइते भएका छन् । घाइते तीनै जनाको बिजयपुर अस्पताल धरानमा उपचार भईरहेको छ भने सुमोका चालकलाई इलाका प्रहरी कार्यालय इटहरीले नियन्त्रणमा लिएको छ ।