धरान । धरानका लागि बजाज कम्पनीको आधिकारिक बिक्रेता अर्बिन एन्ड ब्रदर्सले नयाँ मोडलका मोटरसाइकल बजारमा ल्याएको छ ।
मङ्गलबारदेखि अर्बिनले धरानको भानुचौकमा एक्सचेन्च अफर पनि शुभारम्भ गरेको छ । बजाजका नयाँ मोडलका मोटरसाइकलको उद्घाटन अर्बिन एन्ड ब्रदर्सका सञ्चालक अर्बिन तामाङले गरे ।
बडादशैंको अवसर पारेर विशेष अफरसहित नयाँ मोडलका मोटरसाइकलको बिक्री प्रारम्भ गरिएको सञ्चालक तामाङले बताए । उनका अनुसार पल्सरका १ सय ६० सीसी र २ सय ५० सीसीका मोटरसाइकल लञ्च गरिएको हो ।
कम्पनीले दशैँको अवसर पारेर १५ प्रतिशत डाउन पेमेन्टमा फाइनान्सको सुविधा दिएको सञ्चालक तामाङले बताए । १ सय ६० सीसी एनको मूल्य ३ लाख ७९ हजार ९ सय रुपैयाँ र २ सय ५० सीसीको ४ लाख ८९ हजार ९ सय रुपैयाँ रहेको छ ।
अन्य विशेष छुटको पनि व्यवस्था रहेको उनले जानकारी दिए । एक्सचेन्जमा ७ हजार रुपैयाँ छुट, नगद र फाइनान्स खरिदमा हेल्मेट, ब्याग र लेगार्ड निःशुल्क उपलब्ध गराइने बताइएको छ । एक्सचेन्ज अफर असोज १४ गतेसम्म रहेको छ ।
