धरान । कोकाकोला नेपालले धरानको पब्लिक स्कुलको मैदानमा मोमोरी फेस्ट आयोजना गरेको छ । जहाँ १२ प्रकारका ममहरू प्रमुख आकर्षणका रूपमा रहेका थिए ।
जहाँ १४ वटा स्टल राखिएको थियो । फेस्टमा विभिन्न रमाइला खेलहरू पनि राखिएको थियो । मम, नेपाली रैथाने परिकारलगायतका विषयमा प्रश्न सोधेर उत्तर मिलाउनेलाई विभिन्न उपहार प्रदान गरिएको थियो ।
कोकाकोलाले वार्षिक रूपमा आयोजना गर्दै आइरहेको कोकाकोला मोमो उत्सवमा धरानवासीहरूको उल्लेख्य सहभागिता रहेको थियो । रमाइला खेलकुदका स्टलहरू पनि राखिएको थियो । कार्यक्रममा लाइभ म्युजिक तथा डिजे सेसनहरू पनि राखिएका थिए । जहाँ धरानका युवायुवतीहरू झुम्मिएका थिए । फेस्टमा ऊर्जा ब्यान्ड तथा तृष्णा गुरुङले प्रस्तुति दिएकी थिइन् ।
