मोरङको सुन्दरहरैचा नगरपालिका ८ सलकपुरमा सवारी दुर्घटनामा १ जनाको मृत्यु भएको छ भने १ जना घाईते भएका छन् ।
हिजो दिउँसो सवा तिन बजेको समयमा पुर्व पश्चिम राजमार्गमा पुर्वबाट पश्चिम तर्फ जाँदै गरेको को १ ख ६२६९ नम्बरको बसले बिपरित दिशा तर्फबाट आउँदै गरेको प्र १-०२-०५२ प ००७१ नम्बरको माेटरसाइकलाई ठक्कर दिदा मोटरसाईकल चालक मोरङको ग्रामथान गाँऊपालिका ६ बस्ने बर्ष २४ को बिशाल सरदार र पछाडी सवार ग्रामथान गापा ६ मोरङ बस्ने बर्ष ४५ कि नन्द कुमारी राई घाइते भएका थिए ।
घाइते राईकाे उपचारको क्रममा न्युरो अस्पताल बिराटनगरमा मृत्यु भएको भएकाे काेशी प्रदेश प्रहरी कार्यालय, विराटनगरले जनाएकाे छ । कार्यालयलका अनुसार माेटरसाइकल चालक सरदारको भने सोही अस्पतालमा उपचार भईरहेको छ ।
घटना सम्बन्धमा थप अनुसन्धान भईरहेको उक्त कार्यालयले जनाएकाे छ ।
