देउराली । झापाको गौरिगञ्जमा भारतबाट नेपाल तर्फ ल्याउँदै गरेको मकैसहित ट्याक्टरलाई प्रहरीले नियन्त्रणमा लिएको छ ।
गाउँपालिकाको २ नम्बर वडा स्थित आपगाछीमा भारतबाट नेपाल तर्फ आउँदै गरेको मे १ त ७११० नं को ट्याक्टरलाई चेकजाँच गर्दा भारतबाट नेपाल तर्फ अवैध रूपमा ल्याउँदै गरेको ८८ बोरा मकै बरामद भएको जिल्ला प्रहरी कार्यालय झापाले जनाएको छ ।
कार्यालयका अनुसार प्रहरी ट्याक्टर रोक्ने क्रममा चालक फरार भएपछि थप शङ्का लागेर चेकजाँच गर्दा नेपाली रुपैयाँ ९६ हजार भन्दा बढी को उक्त मकै अवैध रूपमा नेपाल ल्याइँदै गरेको खुलेको हो ।
बरामद मकैसहित ट्याक्टरलाई आवश्यक कारबाहीको लागी मेची भन्सार कार्यालय काकरभिट्टा बुझाइएको उक्त कार्यालयले जनाएको छ ।
