देउराली । मोरङको लेटाङमा भ्यान दुर्घटना हुँदा दुई जनाको मृत्यु भएको छ ।
बुधबार दिउँसो नगरपालिकाको ७ नम्बर वडा स्थित भिरिङखामा प्रदेश १–०२–००१ ज ३९५३ नम्बरको पिकअप भ्यान अनियन्त्रित भई दुर्घटना हुँदा दुई जनाको मृत्यु भएको इलाका प्रहरी कार्यालय लेटाङले जनाएको छ ।
कार्यालयका अनुसार ३ जना सवार भ्यान दुर्घटना हुँदा चालक मोरङ पथरी शनिश्चरे २ का ३० वर्षीय मनोज दियाली र यात्री लेटाङ– ३ का ७४ वर्षीय जीवन श्रेष्ठको मृत्यु भएको हो । दुर्घटनामा परेर घाइते भएका उनीहरूको धरानस्थित वीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको कार्यालयले जनाएको छ ।
दुर्घटनामा गम्भीर घाइते भएका अर्का लेटाङ– ६ का ५५ वर्षीय रुद्र लम्सालको भने प्रतिष्ठानमा उपचार भइरहेको छ । चौबिसेबाट लेटाङ आउँदै उक्त भ्यान दुर्घटना हुँदा सडकबाट २ सय मिटर तल खसेको प्रहरीले जनाएको छ ।
