विजयपुर । डीपी विलिभर्स स्कुलका ५६ जना स्काउट दीक्षित भएका छन् ।
विलिभर्स स्काउट दलको पहिलो दीक्षान्त समारोहमा २६ छात्र र ३० छात्रा दीक्षित बनेका हुन् । असोज १९ गते इकाई अध्यक्ष सन्जीव बान्तवा राई र धरान–५ का वडाध्यक्ष मनप्रसाद लिम्बूले स्काउटलाई ब्याज र स्कार्फले दीक्षित गरे ।
वडाध्यक्ष लिम्बूले विद्यार्थीहरू आत्म–अनुशासन, शैक्षिक अनुशासन, अध्ययनसँगै हरेक क्षेत्रमा सक्रिय भएर अगि बढ्दै जानुपर्ने बताए । विद्यालयका प्रधानाध्यापक बान्तवाले विद्यार्थीहरूको समग्र विकासको लागि विद्यालयले धेरै अतिरिक्त क्रियाकलापहरू आयोजना गरेको बताए ।
कार्यक्रममा स्कुलका सह–प्राचार्य कुर्मित बान्तवा (लेप्चा), परामर्शदाता वीरेन्द्र लिङ्देन, नेपाल स्काउटका कोशी प्रदेश तदर्थ समिति सदस्य हेमन्त भण्डारी, धरान उपमहानगर तदर्थ समितिका संयोजक अनुप योञ्जन, सहायक राष्ट्रिय प्रशिक्षक सुशील राई, स्काउटर सूर्यकुमार सुनुवारलगायतको उपस्थिति रहेको विद्यालयका स्काउटर सुजता तामाङले जानकारी दिइन् ।
