धनकुटा । प्रजातन्त्र दिवसको अवसरमा सोमबार धनकुटामा रक्तदान कार्यक्रम सञ्चालन गरिएको छ ।

धनकुटा लेडी जेसिजको आयोजनामा रक्तदान कार्यक्रम आयोजना गरिएको हो । जेसिजकी अध्यक्ष मुना पोख्रेलको अध्यक्षतामा सम्पन्न रक्तदान कार्यक्रममा ३६ पौण्ड रगत संकलन भएको थियो ।

रक्तदान कार्यक्रमको प्राविधिक सहयोग नेपाल रेडक्रस सोसाईटी सुनसरी शाखाले गरेको थियो । रक्तदान कार्यक्रममा नेपाल प्रहरी, शसस्त्र प्रहरी, नेपाली सेना, लेडीजेसिजसँग आवद्ध पदाधिकारी एवं सदस्यहरु र स्थानियहरुले रक्तदान गरेका थिए ।