धरान/स्थानीय आउटसाइडर ब्याण्डले
‘तिम्रै लागि’ बोलको म्युजिक भिडियो सार्वजनिक गरेको छ । भर्खरै बजारमा ल्याएको अडियो एल्बम ‘माइली’ को टाइटल गीतको भिडियो बजारमा ल्याएको हो ।
[caption id="attachment_17744" align="alignnone" width="700"]
फाेटाेः भाेजराज श्रेष्ठ[/caption]
शनिबार राति धरान–१५ बगरकोटस्थित भिनटेज लाउन्ज एण्ड बारमा सांगीतिक कन्सर्ट गर्दै ब्याण्डले भिडियो सार्वजनिक गरेको हो । यो गीत हालै युट्युवमासमेत हालिएको छ । ब्याण्डका भोकलिष्ट डिल्ली फोम्बोले दर्शकहरुको माग र अहिलेको प्रविधिको विकासलाई ध्यानमा राखेर भिडियो सार्वजनिक गरेको बताए ।
उनले दर्शकहरुलाई भिडियो हेरेर प्रतिक्रिया दिनको लागि आग्रह गरेका छन् । अन्य गीतहरुको पनि भिडियोहरु सार्वजनिक गर्दै जाने उनले बताएका छन् । धरानको चर्चित व्याण्डको रुपमा रहेको आउटसाइडरले नेपाली लोकपप गीतलाई प्रवद्र्धन गर्ने उद्देश्य लिएको छ । एल्बममा ६ वटा गीतहरु रहेका छन् ।
चारवर्ष अघि ब्याण्डले
आउछु म, पन्छी बोलको गीतको म्युजिक भिडियो सार्वजनिक गरेको थियो । कत्जाज प्रोडक्सन कम्पनी काठमाडौंले बजारमा ल्याएको यो भिडियोमा मेघराज पाण्डे र नम्रता कार्की मोडलको भूमिकामा देखिएका छन् । यसैबीच ब्याण्डले माइली एल्बमको
आउछु म, सम्बन्ध, माइली, सेपमाङ, बेगारी, हसिलो मुहार, यारो दोस्तीलगायत एकदर्जन बढी गीतहरु गाएका थिए ।
ब्याण्ड मेम्बरहरुको लाइभ प्रस्तुतीमा भिनटेजमा उपस्थित दर्शकहरुलेसमेत मनोरञ्जन लिएका थिए । ब्याण्डमा लिड गिटारमा सुमन प्रधान, रिदम गिटारमा राजा तामाङ, बेस गिटारमा मनु राई, ड्रम्स सजन प्रधान रहेका छन् ।
