काठमाडौं/ राष्ट्रिय प्रजातन्त्र पार्टीको महाधिवेशनले ९८ जना केन्द्रीय सदस्य चयन गरेको छ । राति अबेर मतगणना सकिएको राप्रपाले जनाएको छ ।
बुद्धिमान तामाङ, विक्रम पाण्डे, राजाराम श्रेष्ठ लगायतका नेताहरुसँगै कलाकारहरु रेखा थापा, कोमल ओली र मिरा राणा पनि केन्द्रीय सदस्यमा निर्वाचित हुनुभएको छ । मतदानमा ३ हजार २ सय ९७ जना महाधिवेशन प्रतिनिधि सहभागी थिए । राप्रपामा ४० प्रतिशत सदस्य क्षेत्र, भूगोल, विशेषज्ञताका आधारमा पार्टी अध्यक्षले मनोनयन गर्ने व्यवस्था छ । अध्यक्षमा कमल थापा यसअघि नै निर्वाचित भैसक्नुभएको छ । दुई राप्रपाको एकतापछि भएको महाधिवेशन बुधबार सकिंदैछ ।
