धरान/किरात राई साँस्कृतिक कलाकार संघ जिल्ला कार्य समिति सुनसरीले नवनिर्वाचित केन्द्रीय समितिका केही पदाधिकारीहरुलाई बधाई ज्ञापन गरेको छ ।
यलम्बर संग्राहालय धरानमा शनिबार कार्यक्रम गर्दै जिल्ला समितिले केन्द्रीय समितिमा विजयी सदस्यहरुलाई बधाई तथा शुभकामना आदानप्रदान गरेको हो । केन्दीय समितिमा निर्वाचित उपाध्यक्षद्वय रामकर राई, शालिक शतासक राई, सचिव सुरज मेवाहाङ राई र सह–कोषाध्यक्ष महेन्द्र राईलाई बधाई दिइएको छ ।
जिल्ला अध्यक्ष चन्द्र बान्तावा राई, सचिब बसन्त बान्तावा, सह–कोषाध्यक्ष जयकला राईलगायतले निर्वाचित पदाधिकारीहरुलाई शुभकामना तथा बधाई ज्ञापन गरे ।
झापाको झिलझिलेका फागुन ७ देखि ९ गतेसम्म चौथो अधिवेशन चलेको थियो । अधिवेशनले जनक राईको अध्यक्षतामा २३ सदस्यीय केन्द्रीय कार्य समिति निर्वाचित गरेको थियो ।
