धरान/नवोदित गायक सुजन रसाइलीको ‘तिमी विना’ बोलको गीतको म्युजिक भिडियो सोमबार सार्वजनिक गरिएको छ । धरानमा सोमबार पत्रकार सम्मेलन गर्दै मोडल तथा कोशी क्वीन सेकेण्ड रनरअप मीरा धमलाले भिडियो सार्वजनिक गरिन् । भिडियोमा गायक स्वयम र नायिका वर्षा सिवाकोटीको अभिनय देख्न सकिन्छ । बजारमा चाडै आउने तयारीमा रहेको ‘रोजार्ई’ एल्बममा रहेको पाँच गीत मध्ये तिमी विनाको भिडियो सार्वजनिक गरिएको गायक रसाइलीले बताए । भिडियोको निर्देशन तथा सम्पादन विज्ञान राईले गरेका छन् । शब्द संगीत भने चर्चित गायक कमल खत्रीको रहेको छ । भोजपुर–१ दिग्लाका स्थायीबासी रसाइलीले एल्बमको तीनवटा गीतहरु रेकर्डिङ गरिसकेको बताए ।