तरहरा/ इटहरीमा जारी ११ औ अन्तराष्ट्रिय आमन्त्रण इटहरी गोल्डकपमा चर्च ब्वाईज काठमाण्डौ सेमिफाईनलमा प्रवेश गरेको छ । सोमवार भएको क्वाटर फाईनल खेलमा न्यू स्टार क्लब सुनसरीलाई ३ – १ गोलको अन्तरले हराउँदै चर्च ब्वाईज काठमाण्डौ सेमिफाईनलमा प्रवेश गरेको हो ।
दुबै टिम नाईजेरियन खेलाडी सहित मौदानमा उत्रिएका थिए । न्यू स्टार क्लबले खेलको सुरुमा निकै राम्रो खेल देखाएको थियो । खेल सुरु भएको २४ औ मिनेटमा न्यू स्टारका खेलाडी भुवन वस्नेतले एक गोल गरी आफ्नो टिमलाई अग्रता दिलाएका थिए । तर खेल अवधीभर न्यू स्टारले आफ्नो गोल गर्ने धेरै मौका गुमाएको थियो । खेलको पहिलो हाफमा कुनै गोल गर्ने नसकेको चर्च ब्वाईज काठमाण्डौले दोस्रो हाफबमे १३ औ मिनेटमा अरुण क्षेत्रको पासमा रमेश दंगालले गोल गरी टिमलाई वरावर गराएका थिए ।
दोस्रो हाफमा निकै आक्रमक रुपमा प्रस्तुत भएको चर्च ब्वाईज काठमाण्डौको नाईजेरियन खेलाडी अजय मार्टिनले पुनः गोल गरेर आफ्नो टिमलाई अग्रता दिएका थिए । पुनः ३२ मिनेटमा अजय मार्टिनले नै एक्लो प्रयासमा थप एक गोल गरी टिमलाई अग्रता दिलाएका थिए । खेलअवधीभर चर्च ब्वाईजका निरज वस्नेतले निलो कार्ड पाएका थिए । यता न्यू स्टारका खेलाडीमा भने निलो कार्डको वर्षा नै भएको छ । खेलअवभीभर टाउरे,वुद्धिमान राई,क्षितिज गुरुङले निलो कार्ड पाएका थिए । केहि नाईजेरियन खेलाडी सहित मौदानमा उत्रिएको न्यू स्टारका खेलाडीहरुले केहि फ्रिकिक र कर्नर सम्म पाए पनि सोचे जस्तो खेल खेल्न सकेन् ।
खेलको म्यान अफ म म्याच चर्च ब्वाईजका २ गोल गर्ने अजय मार्टिन घोषित भएको प्रतियोगिताको संयोजक अनुरोध थापाले वताए । मगंलवारको खेल ब्वाईज युनियन क्लब काठमाण्डौ र कञ्चनज)गा स्पोटिङ क्लब भारत विच हुने थापाको भनाई छ ।
