इटहरी/ इटहरी स्थित कन्चनजंघा किन्डर गार्डेन मन्टेश्वरी स्कुलको चौथो अभिभावक दिवस विविध कार्यक्रम गरि मनाइएका छ । कार्यक्रममा नेपाल पत्रकार महासंघ सुनसरी शाखाको दशौं जिल्ला अधिवेशनमा इटहरी क्षेत्रबाट विजयी हुने कार्य समिति सदस्य, केन्द्रीय पार्षद् तथा प्रदेश पार्षदलाई सम्मान पत्रले सम्मानीत गरिएको छ ।
जिल्ला प्रशासन कार्यालय सुनसरीका प्रशासकीय अधिकृत केशव खतिवडाको प्रमुख आतिथ्यतामा भएको कार्यक्रममा सो सम्मान गरिएको हो । कार्यक्रम सञ्चालन समेत एक कक्षाका नानीहरुले गरेर अभिभावक तथा दर्शकलाई थप रोमाञ्चित र मनोरञ्जन दिलाएका थिए । विद्यालयलका डाइरेक्टर हरि तिम्सिनाको अध्यक्ष्तामा भएको कार्यक्रममा विद्यार्थीहरुले विभिन्न गीत तथा नृत्य प्रस्तुत गरेका थिए ।
कार्यक्रममा विभिन्न विद्यालयका सञ्चालक तथा प्रिन्सिपलसहित प्याव्सन सुनसरी अध्यक्ष सुमित थापा तथा विभिन्न संघ संस्थाका प्रतिनिधी एवम् अभिभावकहरुको सहभागिता रहेको थियो ।
