नेयरमारले च्याम्यिन्स लिगको एक सिजनमा एसिस्टको किर्तिमान तोडेका छन् । बुधबार बार्सिलोनाले पेरिस सेन्ट जर्मेन (पिएसजी) ६–१ ले हराउने क्रममा सर्जी रोबर्टोलाई गोलको अवसर सृजना गर्दै नेयमारले उक्त किर्तिमान बनाएका हुन् ।खेलमा आफै दुई गोल गरिसकेका नेयमारले रोबर्टोलाई गोलको अवसर बनाएका थिए ।
गत नोभेम्बरमा समूह चरणमा सेल्टिकविरुद्धको खेलमा ब्राजिलियन फरवार्डले लियोनेल मेस्सीको किर्तिमान बराबरी गरेका थिए ।त्यसअघि सन् २०१६ को सेप्टेम्बरमा ब्रेन्डन रोजर्सको टोलीविरुद्ध ७–० को जीत हासिल गर्दा एकै खेलमा चारवटा एसिस्ट गरेका थिए । उक्त खेलमा उनले एक गोल पनि परेका थिए ।उनले बायर लेभरक्युजन र म्यान्चेस्टर सिटीविरुद्धको खेलमा पनि गोलको अवसर सृजना गरेका थिए ।यो सिजन उनले किर्तिमानी ७ पटक गोलको अवसर सृजना गरिसकेका छन् । यसअघि ६ वटा एसिस्टसहित यो किर्तिमान बार्सिलोनाकै समकक्षी लियोनेल मेस्सीको नाममा थियो ।
