धरान/नेकपा (एमाले) सम्बद्ध अनेरास्ववियु महेन्द्र बहुमुखी क्याम्पस इकाई कमिटीले आइतबार रक्तदान कार्यक्रम गरेको छ ।
महेन्द्र क्याम्पस परिषरमा गरिएको रक्तदानमा ५४ युनिट रगत संकलन भएको छ । यसैबीच विद्यार्थीहरुले भित्तेपात्रो विमोचन गरेको छ । नयाँवर्षको अवसरमा शुभकामना आदानप्रदान कार्यक्रमसमेत गरेको छ । कार्यक्रममा अनेरास्वीयुका केन्द्रीय सचिव आसिन आलमले स्थानीय निकायको चुनावमा विद्यार्थीहरुको तर्फबाट पनि सहयोग आवश्यक रहेको बताए ।
कार्यक्रममा हालै निर्वाचित स्ववियुका अध्यक्ष सागरसरगम राई, सचिब दार्ची शेर्पा लगायत १९ जना पदाधिकारीहरुलाई बधाई ज्ञापन गरेको अनेरास्ववियुका क्याम्पस इकाई कमिटी अध्यक्ष मणीराज राईले बताए ।
त्यस्तै पूर्वाञ्चल इन्जीनियरिङ क्याम्पस र हात्तिसार क्याम्पसका स्ववियु पदाधीकारीहरुलाई पनि बधाइ ज्ञापन गरिएको थियो । कार्यक्रममा एमाले नगर अध्यक्ष तारा सुब्बालगायत अतिथीहरुको उपस्थिति रहेको थियो ।
