अशिष्मा र सौगातकाे नयाँ भिडियाे

साउन २७ गतेबाट प्रदर्शनमा आउन लागेको फिल्म ‘संरक्षण’को स्याड सङ रिलिज भएको छ । मंगलवार राजधानीमा एक कार्यक्रमको आयोजना गर्दै फिल्ममा समाबेश ‘सम्झनाको सारंगी’ बोलको गीत रिलिज गरिएको हो । गीतमा नायक सौगात मल्ललाई नायिका अशिष्मा नकर्मीको यादमा तड्पिएको देख्न सकिन्छ । स्वरुपराज आचार्यको स्वर रहेको गीतमा धिरेन्द्र प्रेमर्शीको शब्द र परवेश मल्लिकको संगीत सुन्न सकिनछ । कार्यक्रममा फिल्मको पहिलो र दोस्रो ट्रेलरसँगै एक होली गीत र आइटम गीत पनि देखाइएको थियो । फिल्मको दोस्रो ट्रेलर भने युट्युबमा रिलिज हुन बाँकी छ । कार्यक्रममा बोल्दै निर्देशक पूर्णेन्द्रकुमार झाले फिल्म ‘संरक्षण’मा राजनीतिको आडमा मधेशमा हुने विभिन्न अपराधिक घट्नाहरु प्रस्तुत गरिएको बताए । फिल्ममा निखिल उप्रेती, सौगात मल्ल, कामेश्वर चौरासिया, मलिना जोशी, प्रमोद अग्रहरी, कामेश्वर चौरासिया, अशिष्मा नकर्मीको मुख्य भूमिका रहेको छ । फिल्मलाई प्रदिपकुमार उदय, नरेन्द्र महर्जन, नन्दु श्रीवास्तव र स्वेता शाहले संयुक्त रुपमा निर्माण गरेका हुन् । फिल्ममा परवेश मल्लिकको संगीत, पुरुषोत्तम प्रधानको छायांकन, हिमाल केसीको एक्सन छ । राजनीति, क्राइम, पत्रकारिता, राजनीतिज्ञ लगायतको कथालाई एकसाथ यो फिल्ममा उतारिएको छ ।