यस्ताे छ 'ग्याङ्गस्टर ब्लूज'को ट्रेलर

लगभग ३ वर्ष अगाडि प्रदर्शनमा आएको अनमोल केसी अभिनित फिल्म 'जेरी'बाट नेपाली रजतपटमा भित्रिएकी नायिका आना शर्माले भाद्र २ गतेबाट प्रदर्शनमा आउन लागेको फिल्म 'ग्याङ्गस्टर ब्लूज'मा मुख्य भूमिका निर्वाहा गरेकी छिन् । [embed]https://youtu.be/NlJCfl-7T78[/embed] फिल्मको गीतसंगीत र ट्रेलरबाट आना र नव-नायक आशिरमान देशराज श्रेष्ठको जोडीलाई अहिले दर्शकहरुले निकै रुचाइरहेका छन् । नायिका आना शर्माले 'ग्याङ्गस्टर ब्लूज' मा काम गर्नु आफ्नो लागि च्यालेन्जिङ् रहेको बताइन् । उनले भनिन्, 'जेरीमा अधिकांश कलाकारहरु नयाँ हुनुहुन्थ्यो । 'ग्याङ्गस्टर ब्लूज'मा मेरो भूमिका, मेरो ल्याङ्वेज र धेरै को-स्टारहरु थिएटरका हुनुहुन्थ्यो । उहाँहरुबाट मैले धेरै सिक्ने मौका पाएँ ।' 'ग्याङस्टार ब्लुज'मा आना शर्मा, आशिरमान देशराज, संयम पुरी, प्रमोद अग्रहरि, रोजिशा शाही ठकुरी लगायतको अभिनय छ । मनिष पण्डित कार्यकारी निर्माता रहेका फिल्ममा सरोज न्यौपाने र हेमराज बीसी निर्माताको रुपमा रहेका छन् । लगातार एकपछि अर्को सफल फिल्म पस्किरहेका निर्देशक हेमराज वीसी यो फिल्मका निर्देशक हुन् ।