धरान/एसिसी अण्डर–१९ इस्र्टन रिजन क्रिकेट प्रतियोगिताको उपाधि नेपालले जितेको छ । फाइनलमा हङकङलाई ५ विकेटले हराउँदै उपाधि रक्षा गरेको हो । टस हारेर पनि पहिले ब्याटिङको निम्तो पाएको हङकङले ३३ ओभरमा ७६ रनमै अलआउट भएको थियो । नेपालको लागि स्पिनर सन्दिप लामिछाने र साहब आलमले ३ र ३ विकेट लिँदा दिपेन्द्र सिंह ऐरी र अनिल साहले पनि १ र १ विकेट लिएका थिए । ७७ रनको लक्ष्यका साथ मैदान उत्रिएको ५ विकेट १५ ओभरमा लक्ष्य भेट्याएको थियो । हङकङका करनदिप सिंहले ३ तथा झाथावेदले २ विकेट लिए । यो जितसँगै नेपालले यू–१९ एसिया कपमा आफ्नो सहभागिता पक्का गरेको छ ।